UNEC-in Nəzdində Sosial-İqtisadi Kollecdə Heydər Əliyevin anım gününə həsr olunmuş tədbir keçirilib.

UNEC-in Nəzdində Sosial-İqtisadi Kollecdə Heydər Əliyevin anım gününə həsr olunmuş tədbir keçirilib.

UNEC nəzdində Sosial-İqtisadi Kollecdə ümummilli lider Heydər Əliyevin anım gününə həsr olunmuş anım tədbiri keçirilib. Tədbir Azərbaycan Respublikasının Dövlət Himninin səsləndirilməsi ilə açıq elan edilib və Ulu Öndərin əziz xatirəsi bir dəqiqəlik sükutla yad olunub.

Kollecin direktoru Mübariz Hacıbəyov çıxışında Heydər Əliyevin Azərbaycanın milli dövlətçilik tarixində oynadığı müstəsna rol, gördüyü böyük işlər və ölkəmizin inkişaf strategiyasının təməlini qoyması barədə danışıb. O qeyd edib ki, Heydər Əliyevin siyasi irsi bu gün də ölkəmizin istinad etdiyi ən möhkəm dayaqlardan biridir. Mübariz Hacıbəyov həmçinin Ulu Öndərin təhsilə göstərdiyi xüsusi diqqət və gənclərin hərtərəfli inkişafının hər zaman dövlət siyasətinin əsas hədəflərindən biri olduğunu vurğulayıb.

İstehsalat təcrübəsi və karyera rəhbəri Natiq Musayev çıxışında Heydər Əliyevin gənclərlə bağlı siyasətindən, xüsusən də onların bilik və bacarıqlarının artırılması üçün yaradılan imkanlardan söz açıb. O bildiribl ki, bu gün ölkəmizdə gənclərin təhsil alması, praktik bacarıqlar qazanması və peşəkar kimi formalaşması üçün yaradılan şərait məhz Ulu Öndərin müəyyən etdiyi strateji xəttin davamıdır. Natiq Musayev tələbələrin bu yolu layiqincə davam etdirməsinin vacibliyini də diqqətə çatdırıb.

Tədbirdə qonaq qismində iştirak edən Füzuli rayonu Nazim Süleymanov adına Mollaməhərrəmli kənd orta məktəbinin direktoru Bəşir Əliyev də çıxış edərək Heydər Əliyevin təhsil sahəsinə göstərdiyi xidmətlərdən danışıb. O, Ulu Öndərin müəllim əməyinə yüksək qiymət verməsini, təhsilin inkişafını ölkənin gələcəyi üçün prioritet istiqamət kimi dəyərləndirməsini xüsusi vurğulayıb. Bəşir Əliyev həmçinin işğaldan azad edilmiş bölgələrdə həyata keçirilən bərpa-quruculuq işlərinin Heydər Əliyev siyasi xəttinin davamı olduğunu bildirib.

Tədbirin davamında Heydər Əliyevin həyat və fəaliyyətinə həsr olunmuş videoçarx nümayiş etdirilib. Kollecin tələbələri Ulu Öndərə ithaf olunan şeirlər və səhnəciklərlə çıxış edərək onun xatirəsinə olan ehtiramlarını ifadə ediblər.