“Şəffaflıq mexanizmləri”müzakirə olundu

"Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı"nın icrası ilə bağlı Azərbaycan Respublikası Elm və Təhsil Nazirliyinin 2024-cü il üzrə İş Planı"na uyğyn olaraq UNEC nəzdində Sosial İqtisadi Kollecdə “Kargüzarlıq və sosial iş” FBK-nın müəllimi Zöhrə Novruzova Milli Fəaliyyət Planının 4.3. bəndinin icrası ilə əlaqədar “Şəffaflıq mexanizmləri”adlı seminar kecirib.

Seminarda qeyd edilib ki,dövlət qurumlarının fəaliyyətində şəffaflığın təmin edilməsinin mühüm həlqələrindən biri də korrupsiya ilə mübarizədir.Bütün strukturlarda korrupsiya hallarının qarşısının alınması, aşkar olunan mexanizmlərin müəyyən edilərək onların yaranmasına yol açan halların dəqiqləşdirilməsi və ləğv edilməsi istiqamətində böyük işlər aparır.Burada məsələ təkcə korrupsiyaya yol vermiş şəxslərin əhatə dairəsinin müəyyənləşdirilməsi deyil, korrupsiya imkanı yarada biləcək həmin bu halların ləğv edilməsidir.Bütövlükdə korrupsiya ilə aparılan mübarizənin indiki təcrübəsi göstərir ki, dövlət qurumlarında daxili nəzarət sistemi təkcə bir necə qrumun fəaliyyətini əhatə etməməlidir, həmçinin fəaliyyət prosesinin risk meyarları əsasında təhlilinə və risklərin önlənməsi tədbirlərinə söykənməlidir.

Seminar iştirakçıları dövlət qurumlarının fəaliyyətində şəffaflığın artırılması istiqamətində həyata keçirilən tədbirlərə toxunaraq, korrupsiyaya şərait yaradan halların qarşısının alınmasının, görülən tədbirlərin davamlı xarakter daşımasının vacibliyini vurğulayıblar.

Daha sonra bu prosesdə müvafiq hüquqi mühitin təmin edilməsi, beynəlxalq təcrübədə tətbiq olunan yanaşmalar, Milli Fəaliyyət Planından irəli gələn və dövlət qurumları üçün müəyyən edilmiş tələblər müzakirə edilib.