“Rəqəmsal bacarıqlar” mövzusunda seminar təşkil olundu

“Rəqəmsal bacarıqlar” mövzusunda seminar təşkil olundu

"Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı"nın icrası ilə bağlı Azərbaycan Respublikası Elm və Təhsil Nazirliyinin 2024-cü il üzrə İş Planı" na uyğyn olaraq UNEC nəzdində Sosial İqtisadi Kollecdə “Rəqəmsal bacarıqlar” mövzusunda seminar təşkil olunmuşdur.

Seminarda “İnformatika” FBK-nın sədri Gülnarə Alyarova "Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı"nın 6.7. bəndinin icrası ilə bağlı məlumat verərək bildirdi ki,regionlarda əhalinin rəqəmsallaşması istiqamətində bilik və bacarıqların artırılması ən vacib amildir.

G.Alyarova daha sonra bildirib ki,statistik təhlillərə əsasən, ölkə əhalisinin təqribən 53 faizi rəqəmsal savadlı hesab etmək olar. Bu rəqəmlər dünya statistikası ilə müqayisədə inkişaf etmiş ölkələrin göstəricilərinə yaxındır. Bununla belə, ölkəmizdə əhalinin yerdə qalan nəzərəçarpan hissəsi texnologiyalardan faydalanmaq üçün lazımi bacarıqlara malik deyil.

Ölkəmizdə hər il müxtəlif əhali kateqoriyaları üçün rəqəmsal bacarıqların inkişafı istiqamətində müxtəlif layihə və proqramlar həyata keçirilir. Nəqliyyat, Rabitə və Yüksək Texnologiyalar Nazirliyinin yanında İKT Tətbiqi və Tədrisi Mərkəzi (İKT LAB) həm Bakıda, həm də regionlarda olan mərkəzlərində mütəmadi əsaslarla əhali üçün layihələr keçirir və təlimlər təşkil edir.

Bu işlərə misal olaraq, “Gənclər üçün Elektron Hökumət”, “Hamı üçün İKT” və “Rəqəmli Qızlar - Milli Təlim Proqramı” adlı layihələri qeyd etmək olar. Son illər peşəkar İKT mütəxəssislərin hazırlanması və yeni rəqəmsal peşələrin ölkəmizdə tanınmasını müşahidə edirik. Ölkəmizin aparıcı universitetlərində İKT yönümlü ixtisas proqramları yaradılıb.

Həmçinin, rəqəmsal bacarıqlar üzrə ödənişsiz əsaslarla fəaliyyət göstərən tədris portalı (https://iktlab.edu.az/) və onlayn multimedia kursları yaradılıb.